الحكومة حددت بشكل واضح مين يستحق السكن البديل في ملف الايجار القديم ومين لا.. وقالتها صريحة.. في 5 فئات مش هيكون ليها حق في السكن البديل نهائي.
اول حالة.. اي شخص يثبت انه مالك وحدة سكنية تانية صالحة للسكن، يعني عنده شقة يعيش فيها بالفعل.
تاني حالة.. اللي مأجر الشقة من الباطن او متنازل عنها لحد تاني، لان كده العلاقة الاصلية اتغيرت.
تالت حالة.. اي حد يقدم بيانات غلط.. او يتلاعب في المستندات الرسمية.. الاستبعاد هنا فوري ومن غير نقاش.
رابع حالة.. اللي دخله الشهري اعلى من الحد اللي الحكومة حددته، لان السكن البديل معمول اساسا لغير القادرين.
خامس حالة.. اي حالة انتهت علاقتها الايجارية قانونا، قبل صدور التشريعات الجديدة، ودي مش هتدخل ضمن المستحقين.
يعني السكن البديل مش لكل الناس.. هو موجه لفئات محددة بشروط واضحة.. علشان الدعم يوصل للي محتاجه فعلا، هل الشروط دي عادلة ولا في حالات محتاجة استثناء؟
التعليقات