سؤال مهم شاغل ناس كتير.. هل أبناء المستأجر الأصلي ليهم حق في شقق بديل الإيجار القديم؟ الإجابة.. أيوه، بس بشروط.
وزارة الإسكان قسمت المتقدمين لقائمتين: قائمة للمستأجر الأصلي، وقائمة تانية للي امتد لهم عقد الإيجار، ومنهم أبناء المستأجر الأصلي.
بس علشان تستحق الشقة البديلة، لازم تكون مقيم فعلي في الشقة، وما تكونش مقفولة أكتر من سنة قبل التقديم.. كمان، لا انت ولا زوجك ينفع تكونوا مالكين شقة أو محل، ينفع للسكن أو نفس الغرض جوه مصر.
الشقة البديلة لازم تكون في نفس المحافظة ونفس الغرض، سكني بسكني، وفي كل الحالات، لك وحدة واحدة بس مهما كان عدد الورثة.
والطلبات بتخضع لمراجعة دقيقة، وأي بيانات غلط ممكن ترفض الطلب في أي وقت.. يعني أيوه ليك حق، بس لازم الشروط كلها تتوفر.
التعليقات