في خبر مهم لكل اللي عنده مخالفة بناء.. المرحلة الجاية هتشهد تشريع جديد لقانون التصالح.. وده بعد ما التجربة كشفت ملاحظات محتاجة تعديل وتطوير.
النائب أحمد سعيد شلبي، رئيس لجنة الإسكان بمجلس النواب، أكد إن القانون نجح يحل مشاكل كتير.
بس التطبيق العملي بيقول إن في مواد لازم تتراجع علشان تخدم المواطن أكتر وتحقق الصالح العام.. ولجنة الإسكان مش هتوقف هنا، ده كمان شغالة على الضرائب العقارية.
وتنظيم السوق العقاري، والتمويل العقاري، مع اهتمام كبير بالإسكان الاجتماعي والمناسب لإمكانيات الناس.. وكمان ممكن نسمع قريب عن مناقشة بعض بنود الإيجار القديم من جديد.
واضح كده إن البرلمان ناوي ينهي إزمات كتيرة كانت منتظرة الحل الفترة اللي فاتت.. فخلينا متابعين عشان نشوف الجديد.
التعليقات