أخبار لايت: خطة السيسي لتحويل مصر لمركز إقليمي لتبادل الطاقة.. شوف إيه اللي بيحصل

مصر رسمت خطة انها تكون مركز إقليمي لتبادل الطاقة وأنها تكون المتحكم الاول والاخير في الطاقة… ياتري ده هيحصل ازاي..  اية الاستفادة اللي بترجع علي مصر من تحويل مصر لمركز إقليمي لتبادل الطاقة. 

الثورة الصناعية اللي موجودة في أغلب دول العالم واللي معاها كل الدول بتحاول تعمل وتأسس بنية تحتية لاستقبال وتشغيل كل انواع الصناعات وأنها تتحول لدول عندها اكتفاء ذاتي وكمان دول بتصدر صناعات لكل الأسواق العالمية .

التحول العالمي لتشجيع توطين الصناعات المختلفة خلت الطلب العالمي علي الطاقة ارتفع بمعدلات كبيرة جدا وكل الدول حاليا بتحاول توكن وتأسس بنية تحتية تنفعها في الثورة الصناعية اللي بتقوم بيها، وده اللي خلت الدول تعمل وتبني مصادر مختلفة لاستخراج الطاقة منها اللي جاي من استخدام المياة في تشغيل التوربينات ومنها جاية من مصادر الطاقه الجديدة والمتجددة، وحاليا دخلت مصادر الطاقة النووية اللي بقت واحدة من أهم مصادر إنتاج الكهرباء في العالم وتحولت لمصر من مصادر الطاقه المتجددة المهمة جدا علي مستوي العالم.

طيب أية اللي بتعمله مصر علشان تتحول لمركز إقليمي لتبادل الطاقة ؟.
مصر ربنا حباها بموقع استراتيجي بيربط بين ثلاث قارات بين آسيا أفريقيا وأوروبا، والموقع عطاها ميزة استراتيجية علشان تكون معبر طبيعي لتبادل الطاقة، الدولة خلال الفترة اللي فاتت استثمرت ارقام كبيرة في تطوير شبكات الربط الكهربائي مع الدول المجاورة زي السعودية والسودان وليبيا والأردن ده غير الخطوط اللي بيتم عملها دلوقتي ما دول أوروبا من خلال قبرص واليونان .

جزء كبير من خطة مصر للتحول لمركز إقليمي لتبادل الطاقة قائمة الي التحول للطاقة النظيفة واللي أصبح أولوية، وفي الوقت الحالي مصر بتستهدف إنتاج 42% من الاستهلاك المحلي للتيار من مصادر متجددة بحلول عام 2030، والوصول ل 65% من الاستهلاك المحلي الطاقة من مصادر الطاقة المتجددة في 2040، والتحول لاستخدام الطاقات المتجددة واحدة من الأهداف اللي مصر أكدت التزامها بتطبيقها وقت استضافة مؤتمر المناخ COP27 لما مصر أكدت وقتها التزامها الدولي بالتحول الأخضر، وفتحت الأبواب قدام الاستثمارات لبجديدة في مشروعات الهيدروجين الأخضر وتكنولوجيا تخزين الطاقة.

خطة مصر لتحويل مصر لمركز إقليمي لتبادل الطاقة بتتضمن كمان تحويل مصر لمركز لتبادل المواد البترولية وده بيحصل من خلال الجهود اللي بتقوم بيها الدولة لتعظيم مواردها البترولية من خلال زيادة الاكتشافات البترولية واكتشافات والغاز الطبيعي من خلال زيادة الإنتاج من حقل ظهر واللي تم اكتشافه في 2015، واللي بيعد أكبر حقل غاز في البحر المتوسط واللي معاه تحولت مصر لمصدر رئيسي للغاز الطبيعي المسال إلى أوروبا، خصوصا في ظل الأزمة العالمية للطاقة .

في الوقت الحالي مصر بقي عندنا بنية تحتية متطورة لتسييل الغاز الطبيعي، وده خلها الدولة الوحيدة في شرق المتوسط القادرة على تصدير الغاز المسال من دون الحاجة لبناء منشآت جديدة.