إضافة المواليد لبطاقات التموين واحدة من الحاجات المهمة جدا. اللي بتشغل بال ناس كتير من المواطنين.. ياتري هل الدولة هتفتح الباب لاضافة مواليد جديد.. وآية هيا الفئات المستحقة.
في خدمات كتيرة بتقدمها الدولة للمواطنين واحدة من الخدمات المهمة جدا واللي حساسه لاقصي درجة في الانت المصري هيا توفير السلع الغذائية والعيش المدعم للمواطنين واللي وجوده بيعد من أهم وسائل الأمان للشعب المصري خصوصا الفئات الاولي بالرعاية، واللي الدولة حريصة كل الحرص عليهم، وعلي طول بتاخذ إجراءات علشان تراعايهم وتحافظ عليهم من التحديات الاقتصادية.
من وقت للتاني الحكومة ومن منطق حرصها علي رعاية الفئات الاولي بالرعاية بتعلن عن إجراءات جديدة لإضافة المواليد الجديد علي بطاقات التموين ومع كل اعلان بيكون في ترقب في الشارع المصري للأسماء اللي هتضاف علي البطاقات، وآية هيا الفئات اللي هيسمح لهم بإضافة مواليد جديدة .
طيب اية هيا الخطوات اللي يعملها المواطنين لو عايزين يضيفوا مواليد جديدة لبطاقات التموين ؟.
وزارة التموين والتجارة الداخلية أعلنت عن فتح الباب لإضافة مواليد جديدة علي بطاقات التموين ومع لفئات محدودة وهيا خاصة بالأسر الأكثر حاجة إلى الدعم وبتشمل علي أصحاب معاش تكافل وكرامة والمستفيدين من معاش التضامن الاجتماعي وأبناء وزوجات الشهداء والأسر البديلة وذوي الاحتياجات الخاصة الحاصلين على بطاقة الخدمات المتكاملة والحالات الإنسانية والاجتماعية الحرجة التي تعتمدها وزارة التضامن الاجتماعي.
علشان تكون عارفين ان الاضافات الجديدة للمواليد علي بطاقات التموين هتخضع لعمليات فرز كتيرة جدا علشان الدولة تضمن دعم الفئات اللي تستحق الدعم الاجتماعي، وحطت أكثر من شرط لقبول الاضافات وهيا أن عدد الأفراد المسجلين على بطاقات التموين ميتجاوزش 3 أفراد وهيسمح بإضافة فرد رابع فقط للفئات المستحقة المحددة، ويكون عمر الطفل المطلوب إضافته مبقاش عن 4 سنين، ويكون دخل رب الأسرة أقل من 3000 جنيه شهريًا، ومعاشه لا يتخطى 2500 جنيه.
أما بقي الناس اللي بتسال علي الإجراءات والاوراق المطلوبة للتقديم فيها صورة بطاقة الرقم القومي الخاصة بصاحب البطاقة التموينية وصورة البطاقة التموينية نفسها وشهادات الميلاد للمواليد المراد إضافتهم على البطاقة ورقم هاتف مسجل باسم رب الأسرة لتسهيل التواصل ومتابعة الطلب والمستندات اللي تثبت الاستحقاق زي كروت تكافل وكرامة أو التضامن الاجتماعي وبطاقة الخدمات المتكاملة، أو شهادات استشهاد في حال الضرورة.
التعليقات