أخبار لايت: سر ارتفاع حجم الصادرات المصرية لدول السبع.. شوف التفاصيل

يا ترى إيه سر زيادة صادرات مصر في الفترة الأخيرة وتحديدا لدول السبع، و ليه دول العالم المتقدمة بقت تستورد مننا أكتر، ةهل الرقم الكبير اللي حققنا قريب دليل على قوة الاقتصاد المصري، وإيه المنتظر فق الفترة الجاية؟.. 

في الساعات الأخيرة، الجهاز المركزي للإحصاء أعلن عن رقم مفاجىء في حصيلة صادراتنا للخارج، وهو إنها زادت لأكتر من 9.5 مليار دولار لدول السبع الكبار.

طب إيه السبب، و إيه الحاجات اللي بنصدرها؟

بص يا سسدي، دلوقتي في عز ما قمة مجموعة السبع شغالة في كندا، جهاز الإحصاء المصري طلع قال إن صادرتنا للدول دي ارتفعت بنسبة 10.5% في سنة واحدة، يعني من 8.6 مليار دولار في 2023، وبقينا على آخر 2024 بنصدر ب 9.5 مليار دولار.

ودول السبع دي هي أكبر  اقتصادات العالم، زي أمريكا و ألمانيا وفرنسا وكمان بريطانيا وإيطاليا وكندا  واليابان.

ولغة الأرقام بتقول إن أعلى دولة استوردت من مصر هي إيطاليا بواقع 3.4 مليار دولار، وبعدها أمريكا ب 2.2 مليار، وبعدين بريطانيا ب 1.6 مليار، ثم فرنسا.. ألمانيا.. كندا وأخيرا اليابان.

واحنا بنصدر بهم وقود وزيوت معدنية ب 1.9 مليار دولار، وكمان  ملابس جاهزة ب1.6 مليار، وأجهزة كهربائية ب 862 مليون، وخضار وفواكه ب834 مليون، وكمان أسمدة وألومنيوم وبلاستيك وغيرها، يعني في تنويع كويس جذا في المنتجات، وده بيدي ثقة أكتر لاقتصادنا.

لكن الأهم من الصادرات هو إن العلاقات الاقتصادية دي بتنعكس علينا بطرق تانية، زي مئات حجم التبادل التجاري بين مصر ودول السبع بقى 29.7 مليار دولارر، وده معناه إن في شغل مستمر وتجارة رايحة جاية بتدعم الاقتصاد.

كمان، الاستثمارات من دول السبع في مصر زادت ل 9.2 مليار دولار، ودي زيادة كبيرة بنسبة 13.6%، وعندك بردو أمريكا لوحدها بتستثمر في مصر ب 3 مليار دولار، وبعدها بريطانيا، وإيطاليا، وفرنسا، حتى كندا واليابان داخلين بقوة في المشهد.

مش بس كده، كمان تحويلات المصريين اللي في الدول دي زادت بنسبة 23%، وده معناه ان المصريين اللي في أمريكا وبريطانيا وكندا بقوا يبعتوا فلوس أكتر من الأول، وده  دخل ضخم بيدخل الاقتصاد المصري وبيساعد في دعم الجنيه وتقليل عجز الميزان التجاري.

كمان، فب الفترة الأخيرة، مصر بدأت تهتم أكتر بفتح أسواق جديدة، وبتقدم تسهيلات للمصدرين، وفه استقرار سياسي نسبي، ده غير الاتفاقيات تجارية جديدة بتتفتح، وطبعا كل ده بيترجم في فرص شغل أكتر في المصانع والشركات، ودخول عملة صعبة بتقلل الضغط على الدولار ويمكن كمان تأثر على الأسعار والإنتاج المحلي.

وفي النهاية نقدر نقولك، إن اللي بيحصل ده مش صدفة، دع نتيجة شغل كبير بيحصل في الكواليس، سواء في الإنتاج أو التصدير أو فتح علاقات قوية مع الدول الكبيرة، وده بيأكد على قوة وصلابة الاقتصاد المصري عالميا.