لو معاك قطعة أرض في مدينة جديدة وكنت قلقان من موضوع ترخيص البناء اسمع الخبر ده كويس.. مجلس إدارة هيئة المجتمعات العمرانية الجديدة برئاسة المهندس شريف الشربيني وزير الإسكان وافق على مد مهلة استقبال طلبات تراخيص البناء الخاصة باستكمال نسبة 75% من مسطح دور السطح
القرار الجديد بيقول إن استقبال الطلبات مستمر لحد نهاية مايو 2026، وده هيطبق على قطع الأراضي السكنية الصغيرة جوه مدن هيئة المجتمعات العمرانية.. مع الالتزام بنفس الشروط والضوابط اللي صدرت في القرارات السابقة من غير أي تغيير.
كمان الهيئة فوضت قطاعاتها إنها تقدر تمد فترات إضافية لو فيه احتياج لكده مع إخطار أجهزة المدن للتنفيذ.. القرار ده جاي في إطار التيسير على المواطنين وتنظيم إجراءات البناء جوه المدن الجديدة ويدي فرصة أكبر للناس اللي لسه ما لحقتش تخلص إجراءاتها.. يعني اللي عنده أرض ولسه مخلصش موضوع الترخيص قدامه مهلة جديدة واضحة ويقدر يتحرك على أساسها.
التعليقات