عمرك روحت قبل كده سحبت الفلوس والماكينه سحبت الفيزا، لحظة رعب بتحصل لآلاف الناس، وسببها أخطاء بسيطة جدًا ممكن تتفاداها.
عشان كده البنوك حذّرت رسميًا وقالت الموضوع ده بيحصل لأسباب كتير أول غلطة إنك تدخل الرقم السري غلط أكتر من 3 مرات، فالماكينة تسحب الكارت فورًا.
تاني غلطة إنك تسيب الكارت بعد ما العملية تخلص وتنساه ثواني زيادة، فالماكينة تعتبره مهجور وتسحبه، كمان لو الفيزا منتهية أو بايظة شوية، وارد جدًا تتسحب.
طيب لو حصل وسحبت الكارت تعمل ايه؟
لو الماكينة تبع بنكك، كلم خدمة العملاء فورًا وروّح أقرب فرع وغالبًا تستلمها تاني يوم، أما لو ماكينة بنك تاني، كلم بنكك انت، والاسترجاع بياخد من 3 لـ7 أيام، أو تطلب إيقافها وتطلع بدل فاقد خلال أيام قليلة.
يعني ركّز في الرقم السري، ما تسيبش الكارت لحظة، واتأكد دايمًا إن الفيزا سارية عشان ثانية إهمال ممكن تضيّع عليك كارتك ووقتك.
التعليقات