البصل.. أكلة في كل بيت مصري ووجوده في كل مائدة، بس اللي قليل مننا يعرفه إن البصل المصري مش مجرد سلعة محلية.. ده بقى منتج مهم قوي في التصدير ويساهم في دخول عملة صعبة للبلد.
في التقرير ده هنتكلم عن ازاي مصر قدرت تحول محصول بسيط زي البصل لعملة تصديرية مهمة في الأسواق العالمية، وازاي الفكرة دي بتأثر بشكل حقيقي على الاقتصاد المصري.
لما نتكلم عن البصل المصري، لازم نفهم الأول إن مصر من الدول اللي بتنتج كميات ضخمة منه.
مساحة زراعته في مصر كبيرة جدًا، والإنتاج السنوي بيقرب من 3 ملايين طن تقريبًا، وده بيخلي عندنا عدد كبير من الفائض اللي ممكن نصدره للخارج بعد ما نغطّي احتياجات السوق المحلي.
في عام 2025 تحديدًا، الصادرات من البصل الطازج حققت رقم مهم جدًا، لما بلغت 288 ألف طن من البصل المصدر للأسواق العالمية.
الرقم ده بيبرهن على الطلب الكبير في الخارج على البصل المصري، سواء في أوروبا أو الشرق الأوسط أو غيرها من الأسواق.
طيب ليه البصل المصري مطلوب في الخارج؟ الأسباب كثيرة، أهمها نوعيته وجودته العالية اللي بتخلي المنتج يقدر يتحمل السفر لمسافات طويلة من غير ما يتلف، وكمان لأنه بيتزرع في التربة والمناخ المناسب، اللي بيأثر بشكل مباشر على طعم وجودة البصل.
ده بخلاف إن الفترات اللي بيتحصد فيها البصل في مصر بتيجي قبل مواسم الإنتاج في دول كتير، وده بيدّي السوق الخارجي منتج طازج قبل غيره.
كمان ما ننساش جانب التصدير لمناطق جديدة. في السنوات الأخيرة، مصر قدرت تفتح أسواق غير تقليدية للبصل، زي السوق الفلبيني اللي دخل لأول مرة في قائمة الدول اللي بتشتري البصل المصري، وده بيدل على توسع حقيقي في أماكن الطلب.
والموضوع مش مرتبط بالبصل بس كسلعة غذائية، لكن كجزء من الاقتصاد الوطني اللي بيدخل عملة صعبة.
بمعنى تاني، كل طن بصل بيتباع برا مصر يعني دولارات بتيجي للبلد، وده بيساعد في توازن ميزان المدفوعات، وبيقلل الضغط على الجنيه المصري.
لما بزايين المنتجين بيتدربوا على معايير الجودة الدولية، ده بيخلي المنتج المصري مرغوب بجد في العالم.
والطلب مش بس في أوروبا، لكنه كمان في الشرق الأوسط ودول أخرى، والمنتج المصري أحيانًا بيتصدر بأحجام كبيرة جدًا لسوق زي المملكة المتحدة والإمارات وأماكن تانية.
و البيانات بتقول إن صادرات البصل الطازج في 2024 كانت حوالي 216 ألف طن بقيمة حوالي 181 مليون دولار، وده رقم مش بسيط في تجارة واحدة من الخضراوات.
غير كده، وجود صادرات البصل بيفتح فرص لكتير من الفلاحين صغار ومتوسطين، لأنهم بيربطوا إنتاجهم بالأسواق الخارجية، وده بيخلي الإنتاج مش بس لتلبية الاحتياج المحلي لكن كمان مصدر دخل دولاري ليهم.
لما الفلاح يعرف إن المحصول بتاعه يقدر يروح برا ده بيديه دافع إنه يحسن الإنتاج ويتبع معايير أعلى.
كمان مصر بتستفيد من تنوع الأسواق، يعني ما تعتمدش على سوق واحدة بس. كل سوق جديدة بتتفتح بتدي فرصة لزيادة الكميات المصدرة ودخول عملة صعبة أكتر.
عشان كده السوق الأوروبية كانت من أكبر المستهلكين للبصل المصري، لكن مش الوحيدة، والسوق العربي نفسه بيلاقي طلب كبير عليه.
يعني البصل المصري بقى مش مجرد سلعة غذائية، لكن رمز لقدرة الزراعة المصرية على المنافسة عالميًا وكسب العملة الصعبة، وده بيساهم في دعم الاقتصاد، وبيحافظ على دور الزراعة في منظومة الصادرات الوطنية.
وخليني اقولك بقى ان بكده البصل المصري تحول من مجرد محصل غذائي في السوق المحلي إلى منتج دولاري مهم بفضل الإنتاج الضخم، الجودة العالية، وفتح أسواق جديدة في الخارج.. كل ده خلاه يساهم بشكل حقيقي في دخول عملة صعبة للبلد، ويدعم الاقتصاد من أساسه.
التعليقات